சென்னை: துபாய் கார் பந்தயத்தில் நடிகர் அஜித் சாதனை படைத்ததற்கு ரஜினிகாந்த் வாழ்த்துக்களையும் பாராட்டுகளையும் தெரிவித்துள்ளார். X இல் அவர் பதிவிட்ட பதிவில், ‘என் அன்புக்குரிய அஜித்துக்கு வாழ்த்துக்கள்! நீங்கள் சாதித்துவிட்டீர்கள்! கடவுள் உங்களை ஆசீர்வதிப்பாராக. லவ் யூ!’ என்று ட்வீட் செய்துள்ளார்.
முன்னதாக, நடிகர் அஜித் தலைமையிலான ‘அஜித் குமார் ரேசிங் டீம்’ துபாயில் நடைபெற்று வரும் ‘24H சீரிஸ்’ கார் பந்தயத்தில் பங்கேற்றது. சில நாட்களுக்கு முன்பு இதற்காக பயிற்சி மேற்கொண்டபோது, அஜித் ஓட்டிய கார் விபத்தில் சிக்கியது. இந்த நிலையில், அவர் பந்தயத்திலிருந்து விலகினார். ஆனால் அவரது அணி பங்கேற்கும் என்று அறிவிக்கப்பட்டது. இந்த நிலையில், ஞாயிற்றுக்கிழமை நடைபெற்ற போட்டியில், அஜித் குமார் ரேசிங் டீம் 991 பிரிவில் 3-வது இடத்தைப் பிடித்து சாதனை படைத்தது.
இதைத் தொடர்ந்து, நடிகர் அஜித் மற்றும் அவரது அணிக்கு வாழ்த்துக்கள் குவிந்து வருகின்றன. நடிகர் மாதவன் நேரில் அஜித்தை வாழ்த்தினார். இந்தப் போட்டிக்காக துபாய் சென்ற நடிகர்கள் அர்ஜுன் தாஸ், ஆரவ், வசந்த் ரவி, இயக்குநர்கள் விஷ்ணுவர்தன், ஆதிக் ரவிச்சந்திரன் ஆகியோர் அஜித்தை நேரில் சந்தித்து வாழ்த்து தெரிவித்துள்ளனர்.
துணை முதல்வர் உதயநிதி ஸ்டாலின் தனது X இணையதளத்தில் வெளியிட்டுள்ள வாழ்த்துச் செய்தியில், “அஜித் குமார் சார் மற்றும் அவரது குழுவினர் 991 பிரிவில் 3-வது இடத்தைப் பிடித்ததில் நான் மிகவும் மகிழ்ச்சியடைகிறேன். இந்த குறிப்பிடத்தக்க சாதனைக்காக அவருக்கும் அவரது குழுவினருக்கும் வாழ்த்துக்கள். நமது நாட்டிற்கும் தமிழ்நாட்டிற்கும் மேலும் பெருமை சேர்க்க அவர்கள் தொடர்ந்து வெற்றி பெற வாழ்த்துகிறேன்” என்று கூறியுள்ளார். இந்த சூழலில், ரஜினிகாந்த், அஜித்தை நெகிழ்ச்சியுடன் பாராட்டியுள்ளார்.
