ரஷ்மிகா மந்தனா தமிழ், தெலுங்கு மற்றும் இந்தி படங்களில் நடித்து வருகிறார். தற்போது ஏ.ஆர். முருகதாஸ் இயக்கத்தில் சல்மான் கான் நடிக்கும் ‘சிக்கந்தர்’ படத்தில் நடித்து வருகிறார். சத்யராஜ் உள்ளிட்ட பலர் இதில் நடிக்கின்றனர். இதன் இறுதிக்கட்ட படப்பிடிப்பு கடந்த சில நாட்களாக நடந்து வருகிறது.
இந்த நிலையில், ஜிம்மில் உடற்பயிற்சி செய்யும் போது ரஷ்மிகா மந்தனா எதிர்பாராத விதமாக காயமடைந்தார். இதன் காரணமாக, ‘சிக்கந்தர்’ படப்பிடிப்பு ரத்து செய்யப்பட்டுள்ளது. இது குறித்து ரஷ்மிகா தரப்பில், “அவர் நலமாக குணமடைந்து வருகிறார். மருத்துவர்களின் ஆலோசனைப்படி அவர் ஓய்வெடுத்து வருகிறார், விரைவில் படப்பிடிப்பில் இணைவார்” என்று கூறப்பட்டுள்ளது.
