சென்னை: வரும் 30 தேதி நடிகர் தனுஷ் நடித்துள்ள ராயன் ஓடிடியில் வெளியாகும் என எதிர்பார்க்கப்படுகிறது.
தனுஷ் இயக்கி மற்றும் நடித்து சில வாரங்களுக்கு முன் வெளியாகியது ராயன் திரைப்படம். படம் வெளியானதில் இருந்து மக்களிடம் மிகப் பெரிய வரவேற்பை பெற்றது.
தனுஷுடன் துஷாரா விஜயன், காளிதாஸ் ஜெயராம், சந்தீப் கிஷன், எஸ்.ஜே சூர்யா, செல்வராகவன், பிரகாஷ்ராஜ் மற்றும் பலர் நடித்துள்ளனர்.
இதுவரை தனுஷ் நடித்து வெளியான படங்களில் இப்படத்தின் வசூல் முதலிடத்தை பெற்றுள்ளது. திரைப்படம் வெளியாகி ஒரு வாரத்திலேயே ரூ. 116 கோடி வசூலித்துள்ளது குறிப்பிடத்தக்கது.
திரைப்படம் இதுவரை உலகளவில் 150 கோடி ரூபாய் வசூலித்துள்ளது குறிப்பிடத்தக்கது. 2024 ஆம் ஆண்டு வெளியான தமிழ் சினிமாவில் மிகப்பெரிய வெற்றிப் பெற்ற படங்களில் முதல் இடத்தில் உள்ளது ராயன்.
இந்த படத்தின் ஓடிடி உரிமையை அமேசான் பிரைம் வாங்கியுள்ளது. வரும் 30 தேதி ராயன் ஓடிடியில் வெளியாகும் என எதிர்பார்க்கப்படுகிறது. திரைப்படம் சன் நெக்ஸ்ட் செயலியிலும் இருக்கும் என தெரிவித்துள்ளனர்.
