சென்னை: விஜய் சேதுபதியின் மகன் சூரியா சேதுபதி, ஏகே. பிரேவ்மேன் பிக்சர்ஸ் வழங்கும் ‘பீனிக்ஸ்’ படத்தின் மூலம் ஹீரோவாக அறிமுகமாகிறார். ஆக்ஷன் கதைக்களத்தின் பின்னணியில் அமைக்கப்பட்ட ‘பீனிக்ஸ்’ திரைப்படம் ஜூலை 4-ம் தேதி திரையரங்குகளில் வெளியாகிறது.
பிரபல ஸ்டண்ட் மாஸ்டர் அனல் அரசு இயக்கும் ‘பீனிக்ஸ்’ படத்தில் இசையமைப்பாளர் சாம் சி.எஸ்., ஒளிப்பதிவாளர் வேல்ராஜ் மற்றும் எடிட்டர் பிரவீன் கே.எல் போன்ற முன்னணி தொழில்நுட்பக் கலைஞர்கள் பணியாற்றியுள்ளனர்.
