ஹைதராபாத்: நடிகை ரிது வர்மாவும், நடிகர் வைஷ்ணவ் தேஜும் டேட்டிங்கில் இருக்கும் புகைப்படங்கள் இணையத்தில் வைரலாகி வருகிறது. தமிழில் ‘கண்ணும் கண்ணும் கொள்ளையடித்தால்’, ‘நித்தம் ஒரு வானம்’, ‘மார்க் ஆண்டனி’ உள்ளிட்ட படங்களில் நடித்தவர் ரிது வர்மா. பல தெலுங்கு படங்களில் நடித்துள்ள வைஷ்ணவ் தேஜ், சிரஞ்சீவியின் குடும்ப உறுப்பினர்.
ரிது வர்மாவும், வைஷ்ணவ் தேஜும் இதுவரை இணைந்து நடித்ததில்லை. ஆனால் சிரஞ்சீவியின் மற்றொரு உறவினரான நடிகை நிஹாரிகா மூலம் ரிது வர்மாவும் வைஷ்ணவ் தேஜும் நண்பர்களானார்கள். இந்நிலையில் இவர்கள் டேட்டிங் செய்வதாக தெலுங்கு சினிமா வட்டாரத்தில் பரபரப்பு ஏற்பட்டுள்ளது. சமீபத்தில் இருவரும் துபாய் சென்றுள்ளனர். அங்கு அவர்கள் எடுத்த புகைப்படங்கள் இணையத்தில் வைரலாகி வருகிறது.
ரிது வர்மா இதுவரை எந்த நடிகருடனும் டேட்டிங் செய்வதாக கிசுகிசுக்கப்படவில்லை. அவர் முதல் முறையாக டேட்டிங் செய்கிறார் என்றால், இது ஒரு தீவிர உறவாக இருக்க வேண்டும் என்று ரசிகர்கள் கருத்து தெரிவித்து வருகின்றனர். ஆனால் இது தொடர்பாக ரிது வர்மா மற்றும் வைஷ்ணவ் தேஜ் எந்த விளக்கமும் அளிக்கவில்லை.
