ஆர்.ஜே.பாலாஜி ஹீரோவாக நடிக்கும் படம் ‘சொர்க்கவாசல்’. இதில் செல்வராகவன், நட்டி, சானியா அய்யப்பன், ஷரபுதீன், ஹக்கீம் ஷா, பாலாஜி சக்திவேல், கருணாஸ் மற்றும் பலர் நடித்துள்ளனர். சித்தார்த் விஸ்வநாத் இயக்குகிறார். கிறிஸ்டோ சேவியர் இசையமைத்துள்ளார். பிரின்ஸ் ஆண்டர்சன் ஒளிப்பதிவு செய்துள்ளார். ரைட் ஸ்டுடியோஸ் மற்றும் திங்க் ஸ்டுடியோஸ் சார்பில் சித்தார்த் ராவ் மற்றும் பல்லவி சிங் தயாரித்துள்ள இப்படம் வரும் 29-ம் தேதி வெளியாகிறது.
படம் பற்றி இயக்குநர் சித்தார்த் விஸ்வநாத் கூறும்போது, “எமோஷனல் ஆக்ஷன் த்ரில்லர் கதையுடன் இது உருவாகியுள்ளது. வடசென்னையை சேர்ந்த ஹீரோ ஒரு சின்ன பிரச்சனைக்காக சிறைக்கு செல்கிறார். அங்கு என்ன நடக்கிறது என்பதை கதை சொல்லும். சிறை வாழ்க்கை பற்றிய கதை இது. இதில் இதுவரை பார்த்திராத ஆர்.ஜே.பாலாஜி. அவருக்கு ஆக்ஷன் காட்சிகளும் உண்டு.
மலையாளத்தில் ‘சூடானி ஃப்ரம் நைஜீரியா’ படத்தில் நடித்த சாமுவேல் அபியோலா ராபின்சன் இப்படத்தில் கதாநாயகனாக நடிக்கிறார். எழுத்தாளர் ஷோபா சக்தியும் நடித்துள்ளார். 80 சதவீத காட்சிகள் சிறைக்குள்ளேயே நடக்கின்றன. இதற்காக கர்நாடக மாநிலம் சிமோகாவில் உள்ள சிறையில் படப்பிடிப்பை நடத்தி வருகிறோம்.
