‘ராமாயணம்’ படத்தில் சீதையாக சாய் பல்லவி நடிக்கிறார். இதற்காக அசைவ உணவுகளை தவிர்த்து வருவதாகவும், எப்போதும் உதவியாளர்களுடன் சைவ உணவுகளை சமைத்து வருவதாகவும் செய்திகள் வெளியாகியுள்ளன. இந்த செய்தி குறித்து சாய் பல்லவி கூறும்போது, “பெரும்பாலான சமயங்களில், அடிப்படையற்ற வதந்திகள், இட்டுக்கட்டப்பட்ட பொய்கள் மற்றும் தவறான செய்திகளை உள்நோக்கத்துடன் பரப்புவதைப் பார்க்கும்போதெல்லாம், நான் அமைதியாக இருப்பதைத் தேர்வு செய்கிறேன்.
ஆனால் அது நிற்காமல் தொடர்வதால், நான் எதிர்வினையாற்ற வேண்டிய நேரம் இது. குறிப்பாக எனது திரைப்படங்கள், அறிவிப்புகள் மற்றும் எனது தொழில் வாழ்க்கையின் முக்கியமான தருணங்களில், அடுத்த முறை எந்த ஒரு பிரபல ஊடகமோ அல்லது தனி நபரோ செய்திகள் அல்லது வதந்திகள் என்ற பெயரில் கேவலமான கதையைச் சொல்வதைக் கண்டால், சட்டப்படி நடவடிக்கை எடுக்கப்படும் என்று தெரிவித்துள்ளார்.”
