ஐதராபாத் : நடிகர் வெங்கடேஷ் நடித்த சங்கராந்திகி வஸ்துன்னம்’ படம் வசூலில் செம கல்லா கட்டியது. இந்நிலையில் இந்த படத்தின் ஓடிடி ரிலீஸ் பற்றிய தகவல் வெளியாகி உள்ளது.
தில் ராஜு மற்றும் ஹரிஷ் தயாரிப்பில் அணில் ரவிபுடி இயக்கத்தில், தெலுங்கு சினிமாவின் முன்னணி நடிகர் வெங்கடேஷ் நடித்துள்ள திரைப்படம் ‘சங்கராந்திகி வஸ்துன்னம்’.
மேலும் இப்படத்தில் மீனாட்சி சவுத்ரி, ஐஸ்வர்யா ராஜேஷ், வி. டி. வி கணேஷ் உள்ளிட்டோர் முக்கிய கதாபாத்திரத்தில் நடித்துள்ளனர்.
கடந்த ஜனவரி 14ம் தேதி திரைக்கு வந்த இப்படம் வசூலில் பட்டையை கிளப்பியது. ரசிகர்களின் பேராதரவை பெற்ற இந்த படம் தொடர்ந்து வசூல் வேட்டை அடி வருகிறது.
இந்நிலையில் இந்தப் படத்தின் ஓ டி டி ரிலீஸ் குறித்து படக்குழு தகவல் வெளியிட்டுள்ளது. அதன்படி வருகிற 20ம் தேதி ‘Zee 5’ ஓடிடி தளத்தில் வெளியாகும் என தகவல் வெளியாகி உள்ளது.
