மும்பை: பறந்து கொண்டிருந்த விமானத்தில் நடிகை சாரா அலிகான் மீது தவறுதலாக விமானப் பணிப்பெண் ஜூஸை கொட்டி விட்டார். இதற்காக சாரா அலிகான் கோபப்பட்டுள்ளார். இதற்கு நெட்டிசன்கள் மத்தியில் கண்டனம் எழுந்துள்ளது.
30,000 அடி உயரத்தில் விமானம் பறந்துக் கொண்டிருக்கிறது. இது எதிர்பாராமல் கை தவறுதலாக நிகழ்ந்த சம்பவம் தான். இத்தனைக் கோபப்பட்டிருக்க வேண்டாம். நடிகை எளிதில் இன்னொரு ஆடையை புதிதாக வாங்கிக் கொள்ளலாம். ஆனால், அவர் இதை சாதாரணமாக கடந்து செல்லாததால் அந்த விமானப்பணிப்பெண் தண்டிக்கப்பட்டிருக்கிறார் என்று நெட்டிசன்கள் கருத்து தெரிவித்து வருகின்றனர்.
நடுவானில் விமானம் பறந்துக் கொண்டிருக்கையில், விமானப் பணிப்பெண் தனது ஆடையில் ஜூஸைக் கொட்டியதால் பிரபல நடிகை சாரா அலி கான் கோபமடைந்து இதைப் பெரிய பிரச்சனையாக்கி இருக்கிறார்.விமானத்தில் இருந்து இந்த எதிர்பாராத தருணம் வீடியோவாக வெளியாகி வைரலானது.
அந்த வீடியோவில் நடிகை சாரா அலி, சுருள் முடியுடன், பெரிய வளையக் காதணிகளுடன் இளஞ்சிவப்பு நிற ஆடை அணிந்திருக்கிறார். அப்போது ஒரு விமானப் பணிப்பெண் தற்செயலாக தனது விலையுயர்ந்த உடையில் ஒரு கிளாஸ் ஜூஸைக் கொட்டியதால் அந்த இடத்தில் பரபரப்பாகிறது.
உடனே எழுந்து நின்று கழிவறைக்குச் செல்வதற்கு முன் விமானப் பணிப்பெண்ணை முறைத்துப் பார்த்து விட்டு எதிர்வினையாற்றி விட்டு நடிகை சாரா அலி செல்கிறார். இன்ஸ்டாகிராமில் #SaraOutfitSpill என்ற ஹேஷ்டேக்குடன் இந்த வீடியோ பரவலாகப் பகிரப்பட்டு வருகிறது.
