ஹாலிவுட்டின் புகழ்பெற்ற நடிகையான ஸ்கார்லெட் ஜோஹன்சன், உலகின் அதிக சம்பளம் பெறும் நடிகையாக 2019 ஆம் ஆண்டில் பெரும் கவனம் பெற்றவர். பல அகாடமி மற்றும் கோல்டன் குளோப் விருதுகளை வென்ற இவர், பல வெற்றிப்படங்களில் நடித்துள்ளார். தற்போது 40வது வயதில் உள்ள ஜோஹன்சன், அவரது மூன்றாவது கணவர் முன்னிலையில், நடிகர் ஜோனாதன் பைலியை நியூயார்க் பிரீமியரில் உதட்டில் முத்தம் கொடுத்தது சர்ச்சையை ஏற்படுத்தியுள்ளது.
இந்த நிகழ்வு, ‘ஜுராசிக் வேர்ல்ட் ரீபிர்த்’ படத்தின் பிரீமியரில் நடைபெற்றது. மீடியா மற்றும் ரசிகர்கள் பெரிதும் கூடின அந்த நிகழ்ச்சியில், ஜோஹன்சன் – ஜோனாதனுக்கு இடையே நடந்த இரு நிமிட முத்தம், ரசிகர்களிடையே வியப்பையும், விமர்சனத்தையும் ஏற்படுத்தியது. நிகழ்ச்சி தொகுப்பாளர் கிரெய்க் மெல்வின் இந்த செயலை “நட்பான முத்தம்” என விளக்கி சமாளித்தாலும், கணவர் முன்னிலையில் நடந்ததால் இது ஒரு சமூகப் பிரச்சனையாகப் பேசப்பட்டது.
இதற்குப் பதிலளித்த ஜோஹன்சனின் கணவர் கோலின் ஜோஸ்ட், இது இயல்பான நட்பு சுழற்சி என விளக்கம் அளித்தார். “ஒரே படத்தில் நடிக்கும் போது சில நேரங்களில் அது உணர்வுகளுக்கு வழிவிடும். ஜோனாதன் ஓரினச்சேர்க்கையாளர் என்பதால் இது அச்சுறுத்தல் அல்ல. மக்கள் அதை வீண் பெரிதுபடுத்த வேண்டாம்,” என அவர் கூறினார். இந்த கருத்து பலரையும் ஆச்சர்யத்தில் ஆழ்த்தியது. சமூக வலைதளங்களில் ‘விரிவான புரிதலுடன் கூடிய கணவர்’ என அவருக்கு பாராட்டுகள் குவிந்தன.
இதனையடுத்து, ஹாலிவுட் பிரீமியர்கள், கலைஞர்களின் நட்பு வெளிப்பாடுகள், மற்றும் குடும்ப உறவுகளின் வரம்புகள் பற்றி இணையத்தில் பலதரப்பட்ட விவாதங்கள் உருவாகின்றன. ஆனால், கோலின் ஜோஸ்டின் ஆழ்ந்த புரிதலும், மக்களின் விமர்சனங்களையும் சமநிலைப்படுத்தும் பதிலும் சமூகத்தில் புதிய பார்வையை ஏற்படுத்தியுள்ளது. இது காதல், நட்பு, மற்றும் பொது வாழ்க்கையில் மரியாதையின் எல்லைகள் குறித்து நம்மை சிந்திக்க வைக்கும் நிகழ்வாக மாறியுள்ளது.
