சிவகார்த்திகேயன், சாய் பல்லவி மற்றும் பலர் நடித்துள்ள ‘அமரன்’ அக்டோபர் 31-ம் தேதி வெளியானது. ராஜ்குமார் பெரியசாமி இயக்கியுள்ள இந்தப் படத்தை கமல்ஹாசனின் ராஜ்கமல் பிலிம்ஸ் இன்டர்நேஷனல் மற்றும் ஆர்.மகேந்திரன் இணைந்து தயாரித்துள்ளனர்.
ஜி.வி.பிரகாஷ் குமார் இசையமைத்துள்ள இப்படம், மறைந்த ராணுவ மேஜர் முகுந்த் வரதராஜனின் வாழ்க்கையை அடிப்படையாகக் கொண்டது. படம் வெளியான முதல் நாளிலிருந்தே வசூல் செய்து வருகிறது. தமிழ் மட்டுமின்றி தெலுங்கு, மலையாளம் மற்றும் வெளிநாடுகளிலும் இப்படம் நல்ல வரவேற்பை பெற்றுள்ளது.
கடந்த ஞாயிறு வரை ரூ.244 கோடியைத் தாண்டிய ‘அமரன்’ இந்த வாரத்திற்குள் ரூ.275 கோடி முதல் ரூ.300 கோடி வரை வசூல் செய்யும் என்று கூறப்படுகிறது. சிவகார்த்திகேயன் நடிப்பில் அதிக வசூல் செய்த படம் ‘டான்’. இப்படம் ரூ.125 கோடி வசூல் செய்தது.
‘அமரன்’ இதுவரை அதை விட இரண்டு மடங்கு வசூல் செய்துள்ளது. இந்நிலையில் ரூ.250 கோடி வசூலை தாண்டிய தமிழ் ஹீரோக்கள் ரஜினிகாந்த், கமல்ஹாசன், விஜய் வரிசையில் நான்காவது இடத்தை சிவகார்த்திகேயன் பிடித்துள்ளதாக அவரது ரசிகர்கள் சமூக வலைதளங்களில் கூறி வருகின்றனர்.
