சென்னை: உலக செஸ் சாம்பியன்ஷிப் பட்டம் வென்ற தமிழக வீரர் குகேஷுக்கு நடிகர் சிவகார்த்திகேயன் நேரில் வாழ்த்து தெரிவித்தார். மேலும் அவருக்கு விலையுயர்ந்த கடிகாரத்தையும் பரிசாக அளித்துள்ளார்.
சிங்கப்பூரில் நடைபெற்ற உலக செஸ் சாம்பியன்ஷிப் போட்டியில் சீன வீராங்கனை டிங் லிரனை வீழ்த்தி தமிழகத்தைச் சேர்ந்த இந்திய வீரர் குகேஷ் சாம்பியன் பட்டம் வென்றார். இதன் மூலம், 18 வயதான குகேஷ், இளைய உலக செஸ் சாம்பியன் என்ற சாதனையை படைத்தார். அவருக்கு பரிசுத் தொகையாக ரூ. 11 கோடி வழங்கப்பட்டது.
தமிழகம், இந்தியா மற்றும் உலகம் முழுவதும் உள்ள பல பிரபலங்கள் மற்றும் ரசிகர்கள் குகேஷுக்கு வாழ்த்து தெரிவித்தனர். இந்நிலையில் உலக செஸ் சாம்பியன்ஷிப் பட்டம் வென்ற குகேஷுக்கு நடிகர் சிவகார்த்திகேயன் நேரில் வாழ்த்து தெரிவித்தார். அவருடன் கேக் வெட்டி மகிழ்ந்த சிவகார்த்திகேயன், குகேஷுக்கு விலை உயர்ந்த கைக்கடிகாரத்தையும் பரிசாக அளித்துள்ளார். இந்த சந்திப்பில் குகேஷின் பெற்றோரும் கலந்து கொண்டனர்.
