சூரிக்காக ஒரே படத்தில் இணைந்து நடிக்கும் சிவகார்த்திகேயன், விஜய் சேதுபதி!

விடுதலை படத்தின் நாயகனாக நடித்த  சூரி அதனை தொடர்ந்து கருடன் படம் நல்ல வசூலை ஈட்டி அவரை கமர்ஷியல் ஹீரோவாக்கியது. அதையடுத்து தற்போது கொட்டுக்காளி என்ற படத்தில் முக்கிய வேடத்தில் நடித்துள்ளார். கூழாங்கல் படத்தின் மூலம் கவனம் பெற்ற பி.எஸ்.வினோத்ராஜ் இந்தப் படத்தை இயக்குகிறார். சிவகார்த்திகேயன் தயாரித்துள்ளார். அன்னாபென் கதாநாயகியாக நடிக்கிறார்.

இப்படம் ஆகஸ்ட் 23ஆம் தேதி வெளியாகிறது. பல சர்வதேச திரைப்பட விருது விழாக்களில் இப்படம் கவனம் பெற்றுள்ளதால் எதிர்பார்ப்பு எகிறியுள்ளது. சூரி நடிக்கவிருக்கும் படம் குறித்த தகவல் வெளியாகியுள்ளது.

அதன்படி, சூரி நாயகனாக நடிக்கும் படத்தில் அவரது நெருங்கிய நண்பர்களான விஜய் சேதுபதி மற்றும் சிவகார்த்திகேயன் இருவரும் சிறப்பு தோற்றத்தில் நடிக்க இருப்பதாக கூறப்படுகிறது. மேலும் இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது.