உன்னி முகுந்தன் நடிப்பில் வெளியாகி சூப்பர் ஹிட் ஆன படம் ‘மார்கோ’. இந்த ஆக்ஷன் த்ரில்லர் படத்தைத் தயாரித்த ஷெரீப் முகமது, தனது க்யூப்ஸ் எண்டர்டெயின்மெண்ட்ஸ் மூலம் தனது அடுத்த படத்துக்கு ‘கட்டாளன்’ என்று பெயரிட்டுள்ளார். இதில் மலையாள நடிகர் பிபி (அந்தோணி வர்கீஸ்) முக்கிய வேடத்தில் நடிக்கிறார்.
இவர் அங்கமாலி டைரிஸ், ஜல்லிக்கட்டு, ஆர்டிஎக்ஸ் போன்ற பல வெற்றிகரமான மலையாள படங்களில் நடித்துள்ளார். ‘கட்டாளன்’ படத்தை பால் ஜார்ஜ் இயக்குகிறார். இப்படத்தின் ஃபர்ஸ்ட் லுக் போஸ்டரை படக்குழு வெளியிட்டுள்ளது. இப்படத்தில் நடிக்கும் மற்ற நடிகர், நடிகைகள் மற்றும் தொழில்நுட்ப கலைஞர்களின் விவரம் விரைவில் அறிவிக்கப்படும்.
