மலையாளத்தில் வெளியான ‘மார்கோ’ படம் பெரும் வரவேற்பை பெற்றுள்ளது. இப்படம் 5 நாட்களில் 50 கோடி வசூல் செய்துள்ளது. தற்போது இந்தி, தெலுங்கு உள்ளிட்ட மொழிகளில் டப் செய்யப்பட்டு வெளியிடப்படுகிறது. தமிழில் ஜனவரி 3-ம் தேதி வெளியாகும் என்று படத்தின் ஹீரோ உன்னி முகுந்தன் தனது எக்ஸ் தளத்தில் அறிவித்துள்ளார்.
விரைவில் தமிழிலும் இதை விளம்பரப்படுத்த படக்குழுவினர் திட்டமிட்டுள்ளனர். படத்தின் ரத்தம் சிந்தும் சண்டைக் காட்சிகள் மக்களிடையே நல்ல வரவேற்பை பெற்றுள்ளது. ஹனீப் அடினி இயக்கத்தில், உன்னி முகுந்தன் நடித்துள்ள இந்தப் படத்தை ஷெரீப் முகமது தயாரித்துள்ளார். சண்டைக் காட்சிகள் நிறைந்த படமாக வெளியாகியுள்ளது. இதற்கு சென்சார் அதிகாரிகள் ‘ஏ’ சான்றிதழ் வழங்கியுள்ளனர். சுமார் 30 கோடி ரூபாய் செலவில் இப்படம் உருவாகியுள்ளது.
