விக்ரமன் இயக்கத்தில் 1997 ஆம் ஆண்டு வெளியான திரைப்படம் சூரியவம்சம். இந்த படத்தில் சரத்குமார், தேவயானி, பிரியா ராமன், மணிவண்ணன், சுந்தர் ராஜன், ஆனந்த் ராஜ், ஜெய் கணேஷ் மற்றும் பலர் நடித்திருப்பார்கள். திரைக்கதை, பாடல், கதாபாத்திரங்கள், நகைச்சுவை, வசனம் என ஒட்டுமொத்த படமும் ரசிகர்கள் மத்தியில் சூப்பர் டூப்பர் ஹிட் அடித்தது. இன்றும் 90ஸ் கிட்ஸ் பலருக்கும் சூர்யவம்சம் திரைப்படம் ஃபேவரைட் படங்களில் ஒன்றாக உள்ளது.
பாயாசம் சாப்பிடுங்க பிரெண்ட், இட்லி உப்புமா போன்ற மீம்ஸ்கள் இன்றும் இணையத்தில் உலா வருகின்றன. சமஸ்தானம், மூவேந்தர், பாட்டாளி, ஒருவன் போன்ற படங்களில் ஜோடியாக நடித்த சரத்குமார் தேவயானி ஜோடி மிகவும் பிரபலமானது சூரியவம்சம் படத்தில்தான். தற்போது 27 ஆண்டுகளுக்கு பின் சூரியவம்சம் புகழ் சரத்குமார் தேவயானி ஜோடி தற்போது மீண்டும் சித்தார்த்தின் 40வது படத்தில் ஜோடியாக நடிக்கவுள்ளது.
ஸ்ரீகணேஷ் இயக்கம் இந்த படத்தின் பூஜை சமீபத்தில் நடைபெற்றது, அதில் சரத்குமார் மற்றும் தேவயானி ஜோடியாக எடுத்துக்கொண்ட போட்டோ இணையத்தில் வைரலாகி வருகிறது. தேவயானி சரத்குமார் இருவரும் ஒன்றாக பல ஆண்டுகள் கழித்து ஜோடியாக நடிக்கவிருப்பது ரசிகர்கள் மத்தியில் உற்சாகத்தை ஏற்படுத்தியுள்ளது.
