சென்னை: ‘தி கோட்’ படத்துக்குப் பிறகு விஜய் நடிக்கும் புதிய படத்தை எச்.வினோத் இயக்குகிறார். இப்படத்தின் பூஜை கடந்த அக்டோபர் 4-ம் தேதி சென்னையில் நடைபெற்றது. பூஜா ஹெக்டே, மமிதா பைஜு, பாபி தியோல், கவுதம் வாசுதேவ் மேனன், நரேன், பிரகாஷ் ராஜ், பிரியாமணி உள்ளிட்டோர் நடிக்கின்றனர்.
படத்திற்கு அனிருத் இசையமைக்கிறார். இப்படத்தின் முதல்கட்ட படப்பிடிப்பு அக்டோபர் 4-ம் தேதி தொடங்கியது. பிரமாண்ட மேடை அமைத்து பாடல் காட்சி படமாக்கப்பட்டுள்ளதாக தகவல் வெளியாகியுள்ளது. தற்போது நடைபெற்று வரும் படப்பிடிப்பில் இருந்து ஓய்வு எடுத்துக்கொண்டு விஜய் விக்கிரவாண்டியில் கட்சி மாநாட்டை நடத்தினார்.
தீபாவளி பண்டிகைக்கு பிறகு இரண்டாம் கட்ட படப்பிடிப்பு இன்று சென்னையில் தொடங்கியுள்ளது. இப்படம் அடுத்த ஆண்டு அக்டோபரில் வெளியாகும் என அறிவிக்கப்பட்டுள்ளது.
