சென்னை: பல ஆண்டுகளுக்கு பின்னர் மீண்டும் சூர்யாவின் அடுத்த படத்தில் இணைந்துள்ளார் நடிகை திரிஷா.
கங்குவா படத்தை தொடர்ந்து சூர்யா கார்த்திக் சுப்புராஜ் இயக்கத்தில் அவரது 44 – வது படத்தில் நடித்து முடித்துள்ளார். இந்த படத்தை தொடர்ந்து, சூர்யா ஆர்.ஜே. பாலாஜி இயக்கத்தில் அவரது 45 – வது படத்தில் நடிக்கிறார்.
ட்ரீம் வாரியர் பிக்சர்ஸ் நிறுவனம் தயாரிக்கும் இப்படத்திற்கு ஏ.ஆர்.ரகுமான் இசையமைக்க உள்ளார். இந்நிலையில், சூர்யா 45 படம் குறித்து ஒரு அதிரடி அப்டேட் வெளியாகி உள்ளது. அதாவது, கோவையில் இன்று சூர்யா 45 படத்தின் சூட்டிங்கில் நடிகை த்ரிஷா இணைந்துள்ளதாகவும், ஒரு முக்கிய கதாபாத்திரத்தில் நடிக்க உள்ளார் எனவும் கூறப்படுகிறது.
இது அதிகாரப்பூர்வ தகவல் என்றால் ஆறு படத்தை தொடர்ந்து சூர்யாவுடன் த்ரிஷா பல ஆண்டுகள் கழித்து மீண்டும் நடிக்கவுள்ளார் என்பது குறிப்பிடத்தக்கது.
