சென்னை: லைகா புரொடக்ஷன்ஸ் தயாரிக்கும் விடாமுயற்சி படத்தில் அஜித் நடித்து வருகிறார். திரிஷா, ரெஜினா, அர்ஜுன், சுனில் உள்ளிட்ட பலர் முக்கிய வேடங்களில் நடிக்கின்றனர். அனிருத் இசையமைக்கிறார். மகிழ் திருமேனி இப்படத்தை இயக்குகிறார். இப்படம் பொங்கல் விருந்தாக ஜனவரி 10-ம் தேதி திரைக்கு வர உள்ளது.
இந்நிலையில் இப்படத்திற்காக அஜித் புதிய தோற்றத்தில் இருக்கும் புகைப்படங்கள் வெளியாகி இணையத்தில் வைரலாகி வருகிறது. இதில், அஜித் கோட் சூட் அணிந்து, பில்லா அஜித்தை நினைவூட்டும் வகையில் ஸ்டிரைக் போஸ் கொடுத்துள்ளார். இப்படத்தின் டிரைலர் வெளியீட்டு தேதி விரைவில் அறிவிக்கப்பட உள்ளது.
