சூர்யா நடித்துள்ள ‘கங்குவா’ திரைப்படம் நவம்பர் 14-ம் தேதி வெளியாகவுள்ளது. பல்வேறு மொழிகளில் வெளியாகும் இப்படத்தை சூர்யா விளம்பரப்படுத்தி வருகிறார். இப்படத்துடன் கார்த்தி நடிக்கும் ‘வா வாத்தியார்’ படத்தின் டீசரையும் வெளியிட படக்குழு முடிவு செய்துள்ளது.
‘கங்குவா’, ‘வா வாத்தியார்’ படங்களைத் தயாரித்தவர் ஞானவேல்ராஜா என்பது குறிப்பிடத்தக்கது. ‘வா வாத்தியார்’ படத்தின் 1 நிமிடம் 38 வினாடி டீசர் உருவாகியுள்ளது. நீண்ட நாட்களாக தயாரிப்பில் இருந்த இப்படத்தின் டீசர் வெளியாகியுள்ளதால் படக்குழுவினர் மிகுந்த மகிழ்ச்சியில் உள்ளனர்.
நலன் குமாரசாமி இயக்கத்தில் கார்த்தி, கீர்த்தி ஷெட், சத்யராஜ், ராஜ்கிரண் மற்றும் பலர் நடித்துள்ள படம் ‘வா வாத்தியார்’. சந்தோஷ் நாராயணன் இசையமைத்துள்ள இப்படத்தை அடுத்த ஆண்டு பிப்ரவரியில் வெளியிட படக்குழு முடிவு செய்துள்ளது. ‘கங்குவா’ வெளியாகும் திரையரங்குகளுக்கு ‘வா வாத்தியார்’ படத்தின் போஸ்டர்கள் அனுப்பப்பட்டுள்ளன. இது பிப்ரவரி 2025 வெளியீடு என பட்டியலிடப்பட்டுள்ளது. இதன் காரணமாக ரிலீஸ் தேதி நிர்ணயம் செய்யப்பட்டுள்ளது குறிப்பிடத்தக்கது.
