விஜய் டிவியில் வெற்றி பெற்ற பாண்டியன் ஸ்டோர்ஸ் சீரியலில் இருந்து வசந்த் வசி விலகிய நிலையில், அவருக்குப் பதிலாக நடிக்கும் நடிகர் குறித்த அப்டேட் வந்துள்ளது. விஜய் டிவியில் கலக்கிய சீரியல்களில் பாண்டியன் ஸ்டோர்ஸ் சீரியலும் ஒன்று. இந்த சீரியலின் முதல் பாகத்தில் ஸ்டாலின், சுஜிதா தனுஷ், வி.ஜே.சித்ரா, கதிர், சரவணன் என அனைவரும் பெரும் பெயரும் புகழும் பெற்றனர். பாண்டியன் ஸ்டோர்ஸ் சீரியலின் முதல் பாகம் 2023ல் முடிவடைந்த நிலையில், இரண்டாம் பாகம் கடந்த ஆண்டு தொடங்கி ஒளிபரப்பாகி வருகிறது.
ஸ்டாலின் தந்தையாகவும் மற்றும் மனைவியாக நிரோஷா நடிக்கிறார். பாண்டியன் ஸ்டோர்ஸ் சீரியலின் முதல் பாகம் சகோதர, சகோதரிகளின் பாசத்தை மையமாக வைத்து எடுக்கப்பட்ட நிலையில், தற்போது இரண்டாம் பாகம் அப்பா, மகன்களின் பாசத்தை மையமாக வைத்து உருவாகி வருகிறது. இந்த சீரியல் ரசிகர்கள் மத்தியில் நல்ல வரவேற்பை பெற்று வருவதால் படிப்படியாக டிஆர்பி ரேட்டிங்கில் முன்னேறி வருகிறது.
பாண்டியன் ஸ்டோர்ஸ் சீரியலில் அனைவரையும் கவர்ந்த கேரக்டர் வசந்த் வசியின் செந்தில் கதாபாத்திரம். சமீபத்தில், வசந்த் வசி, குக் வித் கோமாளி நிகழ்ச்சியில் தோன்றி அசத்தினார். இந்நிலையில், பாண்டியன் ஸ்டோர்ஸ் 2 சீரியலில் இருந்து வசந்த் வசி திடீரென விலகியதாக தகவல் வெளியாகியுள்ளது. அதுமட்டுமின்றி அவருக்கு பதிலாக அந்த சீரியலில் நடிக்கும் நடிகர் பற்றிய அப்டேட்டும் கசிந்துள்ளது.
அதன்படி நடிகர் வெங்கட் வசந்துக்கு பதிலாக செந்தில் வேடத்தில் நடிக்கவுள்ளார். ஏற்கனவே பாண்டியன் ஸ்டோர்ஸ் சீரியலின் முதல் பாகத்தில் ஜீவாவாக வெங்கட் நடித்திருந்தார். பாண்டியன் ஸ்டோர்ஸ் முதல் பாகத்தில் வெங்கட்டிற்கு ஜோடியாக நடித்த ஹேமா, தற்போது அதன் இரண்டாம் பாகத்திலும் அவருக்கு ஜோடியாக நடிக்கிறார் என்பது இன்னொரு ஆச்சரியமான செய்தி. முதல் பாகத்தில் இவர்களின் கெமிஸ்ட்ரி ஹிட்டானது, இரண்டாம் பாகமும் நல்ல வரவேற்பை பெறும் என எதிர்பார்க்கப்படுகிறது.
