ரவிமோகன், நித்யா மேனன், வினய், யோகி பாபு, லால், லட்சுமி கிருஷ்ணன் மற்றும் பலர் நடித்துள்ள படம் ‘காதலிக்க நேரமில்லை’. கிருத்திகா உதயநிதி இயக்கிய இந்தப் படத்தை ரெட் ஜெயண்ட் மூவிஸ் தயாரித்துள்ளது. படத்திற்கு ஏ.ஆர்.ரஹ்மான் இசையமைத்துள்ளார். பொங்கல் வெளியீடாக ஜனவரி 14-ம் தேதி திரையரங்குகளில் வெளியானது. ஒரே பாலின ஈர்ப்பு, லிவிங் டுகெதர் மற்றும் நவீன காதல் ஆகியவற்றைக் கதைக்களமாகக் கொண்டு இந்தப் படம் எடுக்கப்பட்டது.
மக்களிடையே கலவையான விமர்சனங்களைப் பெற்ற இந்தப் படம் வணிக ரீதியாக குறிப்பிடத்தக்க வெற்றியைப் பெறவில்லை. இருப்பினும், இந்த படம் பற்றிய அனைத்தும் மக்களை கவனிக்க வைத்தது. சமீபத்தில் ஓடிடியில் வெளியான இப்படம் பல்வேறு விவாதங்களை கிளப்பியது. இந்நிலையில் ‘காதலிக்க நேரமில்லை’ படத்திற்கு பிறகு கிருத்திகா உதயநிதி நடிக்கும் படத்தில் விஜய் சேதுபதி நாயகனாக நடிக்கவுள்ளதாக தகவல் வெளியாகியுள்ளது. விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. விஜய் சேதுபதி தற்போது ‘காந்தி டாக்ஸ்’ படத்தின் படப்பிடிப்பை முடித்துள்ளார். ஆறுமுக குமார் இயக்கிய ‘ஏஸ்’, மிஷ்கின் இயக்கத்தில் ‘ட்ரெய்ன்‘ உள்ளிட்ட படங்கள் விஜய் சேதுபதியிடம் உள்ளது.
