சென்னை: சீயான் விக்ரம் நடிக்கும் ‘வீர தீர சூரன்’ படத்தின் ரிலீஸ் தேதி குறித்து அறிவிக்கப்பட்டுள்ளது.
சித்தா’ பட இயக்குனர் அருண் குமார் இயக்கத்தில் விக்ரம் அவரது 62-வது படமாக ‘வீர தீர சூரன்’ படத்தில் நடித்துள்ளார். இரு பாகங்களாக உருவாகும் இப்படத்தின் 2-ம் பாகத்தை முதலில் வெளியிட உள்ளனர்.
இப்படத்தில் எஸ்.ஜே.சூர்யா, சுராஜ் வெஞ்சராமுடு, சித்திக், துஷரா விஜயன் உள்ளிட்டோர் முக்கிய கதாபாத்திரத்தில் நடித்துள்ளனர். மதுரையை கதைக்களமாக கொண்டு உருவாக்கப்பட்டுள்ள இப்படத்தின் ஃபர்ஸ்ட்லுக், டைட்டில் வீடியோக்கள் ரசிகர்களிடம் வரவேற்பை பெற்றது.
இந்நிலையில், ‘வீர தீர சூரன்’ படம் மார்ச் 27 ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது. இது குறித்த அறிவிப்பை வெளியிட்ட நடிகர் விக்ரம், “டெட்லியான காளியை மார்ச் 27 முதல் சந்திக்க தயாராக இருங்கள். இது ஒரு எபிக் ஆக்ஷன் த்ரில்லராக இருக்கும்” என்று குறிப்பிட்டுள்ளார்.
