ஜெயம் ரவி ஹீரோவாக நடிக்கும் படம் ‘பிரதர்’. நாயகியாக பிரியங்கா மோகன் நடிக்கிறார். நட்டி, பூமிகா, சரண்யா, விடிவி கணேஷ், சீதா, ராவ் ரமேஷ் உள்ளிட்ட பலர் நடித்துள்ளனர்.
ஹாரிஸ் ஜெயராஜ் இசையமைத்துள்ளார். ஸ்கிரீன் சீன் மீடியா எண்டர்டெயின்மென்ட் நிறுவனம் தயாரிக்கும் இந்தப் படம் குறித்து ஜெயம் ரவி பேசும்போது, “இது குடும்பப் படம். இது ஒரு மூத்த சகோதரி மற்றும் தம்பியின் அழகான கதையைக் கொண்டுள்ளது.
பூமிகா எனக்கு அக்காவாக நடித்துள்ளார். இயக்குனர் ராஜேஷ் எனது குடும்பத்தில் ஒருவர். முழுக்க முழுக்க நகைச்சுவைப் படமாக இல்லாமல், குடும்பப் பொழுதுபோக்காக இருக்குமாறு அவரிடம் கேட்டுக் கொண்டேன். அதன்பிறகுதான் இந்தப் படத்தின் லைனையும் சொன்னார்.
அவரை ஒரு நகைச்சுவை பட இயக்குனராகவே நினைக்கிறோம். ஆனால், அவரது படங்களில் உணர்ச்சிகரமான விஷயங்களும் உள்ளன. இந்தப் படமும் அப்படித்தான் இருக்கும்,” என்றார்.
