ஹைதராபாத் : இந்த ஆண்டாவது வெளியாகுமா… ராம் சரண் நடிக்கும் பான் இந்தியா படமான கேம் சேஞ்சருக்கு அனைவரும் காத்திருக்கின்றனர்.
ஆனால், ஷங்கர் இயக்கும் இந்தப் படத்தின் ரிலீஸ் தேதி இன்னும் நிர்ணயிக்கப்படவில்லை.
சமீபத்தில் இப்படத்தின் படப்பிடிப்பையும் முடித்தார் ராம்ச ரண். இந்தியன் 2 படத்தின் புரமோஷன் நிகழ்ச்சிகளுக்காக இயக்குநர் ஷங்கர் ஹைதராபாத் சென்று இருந்தார். இந்தியன் 2 படத்தின் முன் வெளியீட்டு விழா ஞாயிற்றுக்கிழமை நடைபெற்ற நிலையில், படக்குழு நேற்று ( ஜூலை 8 ) பத்திரிகையாளர் சந்திப்புக்கு ஏற்பாடு செய்து இருந்தது.
இந்நிலையில் கேம் சேஞ்சர் இந்த வருடம் வெளியாகுமா என்ற கேள்விக்கு ஷங்கர் பதிலளித்துள்ளார்.
இந்த ஆண்டு வருமா இல்லையா என்பது தெரியவில்லை. படப்பிடிப்பு மற்றும் எடிட்டிங் முடிந்த பிறகு ரிலீஸ் தேதியை கூறுவோம் என்றார் ஷங்கர்.
இன்னும் 15 நாட்கள் ஷூட்டிங் பாக்கி இருக்கிறது என்று ஷங்கர் அப்டேட் கொடுத்துள்ளார். ரிலீஸ் தேதியில் எந்த தெளிவும் இல்லை. ” கேம் சேஞ்சர் படத்தில் ராம் சரண் நடிக்கும் பாகம் முடிந்துவிட்டது. இன்னும் 10 – 15 நாட்கள் படப்பிடிப்பு பாக்கி இருக்கிறது. இறுதி எடிட்டிங் முடிந்த பிறகு ரிலீஸ் தேதியை அறிவிப்போம்” என்றார் ஷங்கர்.
