சென்னை: ட்விங்கிள் லேப்ஸ் புரொடக்ஷன்ஸ் சார்பில் எம்.ஏ.பாலா தயாரித்து இயக்கும் புதிய படம் பூஜையுடன் தொடங்கியது. படத்திற்கு இன்னும் தலைப்பு வைக்கப்படவில்லை. முன்னாள் ராணுவ வீரர் எம்.ஏ.பாலா ஏற்கனவே ‘கார்த்திகேயனும் காணாமல் போன காதலியும்’ படத்தை தயாரித்து இயக்கியவர்.
இந்தப் படத்தில் யாஷிகா ஆனந்த் கதாநாயகியாக நடிக்கிறார். அவருக்கு ஜோடியாக மருத்துவர் ராம் பிரசாத் நடிக்கிறார். மர்மம் கலந்த திரில்லர் கதையம்சம் கொண்ட இப்படத்தில் கதாநாயகியாக யாஷிகா ஆனந்தும், ஹீரோவாக ராம் பிரசாத்தும் டாக்டர்களாக நடித்துள்ளனர்.
இந்த படத்திற்கு டேவிட் பாஸ்கர் ஒளிப்பதிவு செய்கிறார். விபின்.ஆர் இசையமைப்பாளராக பணியாற்றுகிறார்.
