சென்னை: காலை டிபனாக இட்லி, சட்னி சாப்பிட்டு இருப்போம். இதே இட்லியை, மசாலா இட்லி, பொடி இட்லி, சாம்பார் இட்லி என்று பலவகையில் ருசி பார்த்து இருப்போம். அந்த வகையில் கருப்பட்டி இட்லி சாப்பிட்டு இருக்கிறீர்களா. இதோ செய்முறை உங்களுக்காக.
தேவையானவை: இட்லி அரிசி – கால் கிலோ, கருப்பட்டி – அரை கிலோ, தேங்காய்த் துருவல் – தேவையான அளவு.
செய்முறை: அரிசியை ஊறவைத்து, உப்பு சேர்க்காமல் இட்லி மாவுபோல் கெட்டியாக அரைத்துக்கொள்ளவும். மறுநாள் காலையில் மாவில் தேங்காய்த் துருவல் சேர்த்துக் கலக்கவும்.
கருப்பட்டியைக் கெட்டியாகப் பாகு காய்ச்சி, வடிகட்டி மாவில் ஊற்றிக் கிளறவும். இந்த மாவை இட்லித் தட்டில் ஊற்றி வேகவைத்தால், கருப்பட்டி இட்லி தயார். இந்த மாவையே பயன்படுத்தி தோசையும் சுடலாம். சாப்பிட அருமையாக இருக்கும்.
மருத்துவப் பயன்: மூட்டு வலியைப் போக்கும். சோர்வை நீக்கிச் சுறுசுறுப்பு தரும். குடல் புண், வாய்வு, வயிறு உப்புசம் போன்ற தொல்லைகள் நீங்கும்.
