ஹுலுன்புயர்: ஆடவருக்கான ஆசிய சாம்பியன்ஸ் டிராபி ஹாக்கி தொடர் சீனாவில் உள்ள ஹுலுன்புயர் நகரில் நடந்து வருகிறது.
6 அணிகள் பங்கேற்றுள்ள இந்தத் தொடரில் நடப்புச் சாம்பியனான இந்திய அணி தொடர்ச்சியாக 4 ஆட்டங்களில் வெற்றி பெற்று அரையிறுதிச் சுற்றுக்கு ஏற்கனவே முன்னேறியுள்ளது.
இந்நிலையில் இந்திய அணி இன்று தனது கடைசி லீக் ஆட்டத்தில் பாகிஸ்தானை எதிர்கொள்கிறது. மலேசியா மற்றும் கொரியாவுக்கு எதிரான ஆட்டங்களில் பாகிஸ்தான் அணி 2-2 என டிரா செய்தது.
அதே சமயம் ஜப்பானை 2-1 என்ற கோல் கணக்கில் தோற்கடித்து, சீனாவை 5-1 என்ற கோல் கணக்கில் வீழ்த்தி புள்ளிப்பட்டியலில் 2-வது இடத்தில் உள்ளது.
