ஆஸ்திரேலியா: இலங்கைக்கு எதிரான போட்டியில் ஆஸ்திரேலியா அபாரமாக விளையாடியது. இதில் காவாஜா, ஸ்மித் அதிரடி சதம் அடித்துள்ளனர்.
இலங்கை மற்றும் ஆஸ்திரேலியா அணிகளுக்கு இடையே முதலாவது டெஸ்ட் போட்டி தற்போது நடைபெற்று வரும் நிலையில் இந்த போட்டியில் ஆஸ்திரேலிய அணி டாஸ் வென்று முதலில் பேட்டிங் தேர்வு செய்தது.
இதனை அடுத்து தொடக்க ஆட்டக்காரர் உஸ்மான் காவாஜா மிக அபாரமாக விளையாடி 147 ரன்கள் எடுத்து இன்னும் அவுட் ஆகாமல் களத்தில் உள்ளார். அதேபோல் கேப்டன் ஸ்மித் 104 ரன்கள் எடுத்து களத்தில் உள்ளார் என்பது குறிப்பிடத்தக்கது.
டிராவிஸ் ஹெட் மற்றும் லாபு சாஞ்சே ஆகிய இரண்டு பேர்கள் மட்டுமே அவுட் ஆகி உள்ள நிலையில் ஆஸ்திரேலியா அணி 81 ஓவர்களில் இரண்டு விக்கெட் இழப்பிற்கு 330 ரன்கள் எடுத்துள்ளது இதனை அடுத்து மழை குறுக்கிட்டதை அடுத்து முதலாம் நாள் போட்டி முடிக்கப்பட்டதாக அறிவிக்கப்பட்டுள்ளது.
