ரியாத்: டபிள்யூடிஏ பைனல்ஸ் கோப்பை டென்னிஸ் ஒற்றையர் பிரிவு பைனலில் அமெரிக்காவின் கோகோ கோப், சீனாவின் செங் குயின்வெனை வீழ்த்தி கோப்பையை கைப்பற்றினார். நேற்றிரவு சவுதி அரேபியாவின் ரியாத்தில் நடந்த டபிள்யுடிஏ பைனல்ஸ் கோப்பை டென்னிஸ் இறுதிப் போட்டியில் அமெரிக்காவின் கோகோ கோப், பாரீஸ் ஒலிம்பிக்கில் தங்கம் வென்ற சீனாவின் செங் குயின்வெனுடன் மோதினார்.
ஆட்டத்தின் தொடக்கத்தில் தீப்பிடித்து ஆடிய குய்ன்வென் 6-3 என செட்டை கைப்பற்றினார். ஆனால் இரண்டாவது சுற்றில் மீண்ட கோகோ அதிரடியாக விளையாடி 6-4 என்ற புள்ளி கணக்கில் செட்டை கைப்பற்றினார். வெற்றியைத் தீர்மானிக்கும் மூன்றாவது சுற்றில் இரு வீரர்களும் சளைக்காமல் பரஸ்பரம் போராடினர்.
முடிவில் கோகோ 7-6 என்ற செட் கணக்கில் வெற்றி பெற்றார். இந்த வெற்றிக்குப் பிறகு போட்டிக் கோப்பை மற்றும் ரூ. 4 கோடி ரொக்கப் பரிசும் அவருக்கு வழங்கப்பட்டது.
