சர்வதேச டி20 கிரிக்கெட் தரவரிசையில் இந்திய அணியின் டைனமிக் ஓப்பனர் அபிஷேக் சர்மா 38 இடங்கள் முன்னேறி 2-வது இடத்தை பிடித்துள்ளார். சமீபத்தில் முடிவடைந்த இங்கிலாந்துக்கு எதிரான சர்வதேச டி20 கிரிக்கெட் தொடரின் கடைசி போட்டியில் அபிஷேக் சர்மா அபார சதம் விளாசினார்.
இந்திய அணி 4-1 என்ற கணக்கில் தொடரை கைப்பற்றியது. இந்நிலையில் சர்வதேச கிரிக்கெட் கவுன்சில் (ஐசிசி) டி20 கிரிக்கெட் தரவரிசையை வெளியிட்டுள்ளது. இதில் அபிஷேக் சர்மா 38 இடங்கள் முன்னேறி 2-வது இடத்தை பிடித்துள்ளார். அவர் 829 புள்ளிகள் எடுத்துள்ளார். ஆஸ்திரேலிய வீரர் டிராவிஸ் ஹெட் 855 புள்ளிகளுடன் முதலிடத்தில் உள்ளார்.
