டெல்லி: இந்தியா-ஆஸ்திரேலியா இடையிலான 5 போட்டிகள் கொண்ட டெஸ்ட் தொடர் வரும் 22-ம் தேதி பெர்த் மைதானத்தில் தொடங்குகிறது. முதல் டெஸ்ட் போட்டி வரும் 22-ம் தேதி முதல் 26-ம் தேதி வரை நடைபெற உள்ள நிலையில், சவுதி அரேபியா தலைநகர் ரியாத்தில் ஐபிஎல் மெகா ஏலம் நடைபெற உள்ளதாக தெரிகிறது.
இந்தியா-ஆஸ்திரேலியா இடையேயான டெஸ்ட் போட்டியை ஒளிபரப்ப உரிமம் பெற்றுள்ள டிஸ்னி ஹாட்ஸ்டார், ஐபிஎல் மெகா ஏலத்தை ஒளிபரப்பும் உரிமத்தையும் பெற்றுள்ளது.
ஆஸ்திரேலியாவுக்கும் சவுதி அரேபியாவுக்கும் இடையே 8 மணி நேர நேர வித்தியாசம் இருப்பதால், ஐபிஎல் டெஸ்ட் போட்டி ஒளிபரப்பான பிறகு பிற்பகலில் ஐபிஎல் மெகா ஏலத்தை நடத்த திட்டமிட்டுள்ளதாக கூறப்படுகிறது. பிசிசிஐ விரைவில் அதிகாரப்பூர்வ அறிவிப்பை வெளியிடும் என எதிர்பார்க்கப்படுகிறது.
10 அணிகளும் தக்கவைக்கப்பட்ட வீரர்களின் பட்டியலை சமீபத்தில் வெளியிட்ட நிலையில், ரிஷப் பந்த், கே.எல்.ராகுல், ஸ்ரேயாஸ் உள்ளிட்ட எந்த நட்சத்திர வீரர்கள் அணியில் இணைவார்கள் என்ற எதிர்பார்ப்பு ரசிகர்கள் மத்தியில் அதிகரித்துள்ளது.
