இந்திய அணிக்காக மீண்டும் விளையாடும் கனவில் தவழும் கருண் நாயர், தனது உறுதியான முயற்சியால் ரசிகர்களையும் முன்னாள் வீரர்களையும் பாதிக்கிறார். 2016ல் டெஸ்ட் அரங்கத்தில் சாதனையுடன் அறிமுகமான அவர், இங்கிலாந்துக்கு எதிராக சென்னையில் டபுள் சென்சூரி அடித்திருந்தாலும், தொடர்ச்சியான வாய்ப்புகள் அவரைத் தவிர்த்துவிட்டன. அதன்பின் 9 வருடங்கள் கழிந்தும், இந்திய அணிக்கு மீண்டும் இடம் பெறாமல் போராடிக் கொண்டிருக்கிறார்.
இந்நிலையில், 2024–25 விஜய் ஹசாரே தொடரில் விதர்பா அணிக்காக அவர் 863 ரன்கள் குவித்து கவனத்தை ஈர்த்தார். அடுத்து ரஞ்சி கோப்பை இறுதியில் சதம் விளாசி விதர்பாவை கோப்பை வெல்லவைத்தார். இவையே இல்லை என்றால் என்ன? ஐபிஎல் 2025ல் மும்பையை எதிர்த்து 40 பந்துகளில் 89 ரன்கள் அடித்த ஆட்டம் அனைவரையும் மிரளச்செய்தது. பும்ராவை போன்ற உலகத் தரமான பவுலர்களை துல்லியமாக எதிர்கொண்டு 222 ஸ்ட்ரைக் ரேட்டில் விளாசிய அவர், தன்னை மீண்டும் உலகளவில் நிரூபித்தார்.
இவை அனைத்தும் இருந்தும், இந்திய அணியின் தேர்வுக்குழு தலைவர் அஜித் அகர்கர், ஏற்கனவே நிறைய பேர் காத்திருக்கின்றனர் என்பதையே காரணமாகக் கூறி அவருக்கு வாய்ப்பு வழங்கப்படவில்லை எனத் தெரிவித்தார். இருப்பினும், முன்னாள் இந்திய வீரர் அம்பாத்தி ராயுடு, கருண் நாயருக்காக குரல் கொடுத்துள்ளார்.
ராயுடு கூறுகையில், இந்திய அணியில் ஒரு தடவை இடத்தை இழந்தவுடன் மீண்டும் வருவது எளிதல்ல. ஆனால் கருண் நாயர் மனரீதியாக பல தடைகளை கடந்து, விடாமுயற்சியோடு கம்பேக் கொடுக்க முயற்சி செய்கிறார். மற்றவர்கள் அவரை மறந்துவிட்டாலும், அவர் இன்னும் பயணத்தில் தான் இருக்கிறார் எனவும், இங்கிலாந்தில் நடைபெறும் டெஸ்ட் தொடருக்கான விமானத்தில் அவரும் இருக்க வேண்டும் என நம்புவதாகவும் தெரிவித்தார்.
இந்த முறையில், நாயரின் நடையும், கடின உழைப்பும் அவரது தேர்வுக்கு வழிவகுக்குமா என்பதை எதிர்பார்த்து தான் இருக்கின்றனர் அனைவரும்.
