சென்னை: சென்னை அருகே கவரைப்பேட்டையில் உள்ள ஆர்எம்கே பள்ளியில் 30-வது தேசிய சப்-ஜூனியர் நெட்பால் சாம்பியன்ஷிப் போட்டி நடந்து வருகிறது. நேற்று நடந்த கால் இறுதி ஆட்டத்தில், பெண்கள் பிரிவில் தமிழக அணி, சத்தீஸ்கரை எதிர்கொண்டது.
இந்தப் போட்டியில் தமிழக அணி 25-22 என்ற புள்ளிக்கணக்கில் வெற்றி பெற்றது. அரையிறுதி ஆட்டத்தில் தமிழக மகளிர் அணி கேரளாவை எதிர்கொள்கிறது. ஆண்களுக்கான காலிறுதி ஆட்டத்தில் தமிழக அணி 32-29 என்ற புள்ளி கணக்கில் சத்தீஸ்கரை வீழ்த்தியது. அரையிறுதி ஆட்டத்தில் தமிழக அணி தெலுங்கானாவை எதிர்கொள்கிறது.
