செயின்ட் லூயிஸ்: அமெரிக்காவின் செயின்ட் லூயிஸில் சின்க்ஃபீல்ட் கோப்பை சதுரங்கப் போட்டி நடைபெற்று வருகிறது. 3-வது சுற்றில், உலக சாம்பியனான இந்தியாவின் டி. குகேஷ் பிரேசிலின் சாமுவேல் சேவியரை எதிர்கொண்டார். கருப்பு காய்களுடன் விளையாடிய குகேஷ் 44-வது நகர்த்தலில் ஆட்டத்தை டிராவில் முடித்தார். இந்திய கிராண்ட் மாஸ்டர் ஆர். பிரக்ஞானந்தா உஸ்பெகிஸ்தானின் நோடிர்பெக் அப்துஸ்ஸடோரோவை எதிர்த்து விளையாடினார்.
46-வது நகர்த்தலில் ஆட்டம் டிராவில் முடிந்தது. அமெரிக்கரான ஃபேபியானோ கருணா 46-வது நகர்த்தலில் பிரெஞ்சு வீரர் அலிரேசா ஃபிரூஸ்ஜாவை தோற்கடித்தார். அமெரிக்கரான லெவன் அரோனியன் மற்றும் பிரெஞ்சு வீரர் மாக்சிம் வச்சியர்-லாக்ரேவ் இடையேயான ஆட்டம் 73-வது நகர்த்தலில் டிராவில் முடிந்தது. அமெரிக்காவின் வெஸ்லி சோ மற்றும் போலந்தின் டுடா ஜான் க்ர்ஸிஸ்டோஃப் இடையேயான போட்டி 32-வது நகர்த்தலில் டிராவில் முடிந்தது.
3 சுற்றுகளுக்குப் பிறகு, ஃபேபியானோ கருணா, லெவன் அரோனியன் மற்றும் பிரக்ஞானந்தா ஆகியோர் தலா 2 புள்ளிகளுடன் முதல் 3 இடங்களில் உள்ளனர். வெஸ்லி சோ, மாக்சிம் வச்சியர் லாக்ரேவ் சாமுவேல் சாவியன், அலிரேசா ஃபிரோஸ்ஜா மற்றும் குகேஷ் ஆகியோர் தலா 1.5 புள்ளிகளுடன் முறையே 4 முதல் 8-வது இடங்களில் உள்ளனர்.
டுடா ஜான் க்ர்ஸிஸ்டோஃப் ஒரு புள்ளியுடன் 9-வது இடத்திலும், நோடிர்பெக் அப்துஸ்ஸடோரோவ் 0.5 புள்ளிகளுடன் கடைசி இடத்திலும் உள்ளனர்.
