லாஸ் வேகாஸ்: லாஸ் வேகாஸ் செஸ் கிராண்ட்ஸ்லாம் போட்டியில் இந்திய கிராண்ட்மாஸ்டர் ஆர். பிரக்ஞானந்தா முதலிடத்தில் உள்ள நார்வேயின் மேக்னஸ் கார்ல்சனை வீழ்த்தினார்.
லாஸ் வேகாஸ் செஸ் கிராண்ட்ஸ்லாம் போட்டி அமெரிக்காவின் லாஸ் வேகாஸில் நடைபெற்று வருகிறது. நேற்று நடைபெற்ற 4-வது சுற்றில், பிரக்ஞானந்தா 5 முறை உலக சாம்பியனான மேக்னஸ் கார்ல்சனை எதிர்கொண்டார்.
இந்த சுற்றில் 39-வது நகர்த்தலில் பிரக்ஞானந்தா கார்ல்சனை தோற்கடித்தார். இதன் மூலம், ரேபிட் செஸ் போட்டி புள்ளிகள் பட்டியலில் பிரக்ஞானந்தா முதலிடத்தைப் பிடித்துள்ளார்.
இந்த சுற்றின் முடிவில், பிரக்ஞானந்தா, உஸ்பெகிஸ்தானின் நோடிர்பெக் அப்டுசடோரோவ் மற்றும் ஜவகிஷ் சிந்தரோவ் ஆகியோர் தலா 4.5 புள்ளிகளுடன் முதலிடத்தில் உள்ளனர். லீக் சுற்றுகள் முடிவடைந்த நிலையில், காலிறுதிப் போட்டிகள் நடைபெறும்.
