கார்டிப் மைதானத்தில் நடைபெற்ற முதல் T20 போட்டியில் மழை தடங்கல்களிடையே தென் ஆப்ரிக்க அணி 14 ரன்னில் வெற்றி பெற்று தொடரில் முன்னிலை பெற்றது. மூன்று போட்டிகள் கொண்ட தொடரில் இங்கிலாந்துக்கு எதிராக இந்த வெற்றி தென் ஆப்ரிக்காவுக்கு உற்சாகத்தை ஏற்படுத்தியுள்ளது.
மழை காரணமாக போட்டி 9 ஓவர்களாக குறைக்கப்பட்டது. டாஸ் வென்ற இங்கிலாந்து கேப்டன் ஹாரி புரூக் பீல்டிங் தேர்வு செய்தார். தென் ஆப்ரிக்கா தரப்பில் மார்க்ரம் (28 ரன், 14 பந்து) அதிரடி காட்டினார். பிரவிஸ் 10 பந்தில் 23 ரன்கள் அடித்து சிக்சர்களால் ரசிகர்களை கவர்ந்தார். டொனோவன் பெரெய்ரா (25) மற்றும் யான்சென் (1) ஆட்டமிழக்காமல் இருந்தனர். மழை மீண்டும் இடையூறு செய்த நிலையில், 7.5 ஓவரில் தென் ஆப்ரிக்கா 97/5 என இருந்தது.
இங்கிலாந்துக்கு 5 ஓவரில் 69 ரன்கள் இலக்காக நிர்ணயிக்கப்பட்டது. ஆனால், வலுவான பந்து வீச்சு காரணமாக பில் சால்ட், ஹாரி புரூக், பெத்தெல் விரைவில் அவுட்டானார்கள். ஜோஸ் பட்லர் மட்டும் (25 ரன்) சிறு போராட்டம் செய்தார். 5 ஓவரில் இங்கிலாந்து 54/4 ரன்கள் மட்டுமே எடுத்தது.
டக்வொர்த்-லீவிஸ் விதிப்படி தென் ஆப்ரிக்கா 14 ரன்னில் வெற்றி பெற்றது. இதனால் தொடரில் 1-0 என முன்னிலை பெற்றது. இரண்டாம் போட்டியில் இங்கிலாந்து எப்படிச் சவால் விடுகிறது என்பதை ரசிகர்கள் ஆவலுடன் எதிர்பார்க்கின்றனர்.
