நேற்று வான்கடே மைதானத்தில் நடைபெற்ற 2025 ஐபிஎல் தொடரின் 33வது லீக் ஆட்டத்தில் சன் ரைசர்ஸ் ஹைதராபாத் அணி, மும்பை இந்தியன்ஸ் அணியை எதிர்கொண்டது. இந்த போட்டியில் சன் ரைசர்ஸ் அணி தோல்வியை சந்தித்து, தொடரில் இதுவரை ஐந்தாவது முறையாக வீழ்ந்துள்ளது. இதன் விளைவாக அந்த அணி தற்போது புள்ளி பட்டியலில் ஒன்பதாவது இடத்திற்கு தள்ளப்பட்டுள்ளது. மறுபுறம், இந்த வெற்றியின் மூலம் மும்பை இந்தியன்ஸ் 3 வெற்றிகளுடன் 7வது இடத்திற்கு முன்னேறியுள்ளது.
இப்போட்டியில் தோல்வியுற்றாலும் சன் ரைசர்ஸ் அணியின் துவக்க வீரர் டிராவிஸ் ஹெட், ஐபிஎல் வரலாற்றில் ஒரு முக்கியமான சாதனையை நிகழ்த்தினார். கடந்த போட்டியில் அவர் 29 பந்துகளில் 3 பவுண்டரிகளுடன் 28 ரன்கள் எடுத்தார். வில் ஜேக்ஸ் வீசிய பந்தில் மிட்செல் சான்ட்னரிடம் கேட்ச் கொடுத்து வெளியேறினார்.
இந்த ஆட்டத்தினை மையமாகக் கொண்டு டிராவிஸ் ஹெட், ஐபிஎல் வரலாற்றில் அதிவேகமாக 1000 ரன்கள் அடைந்த இரண்டாவது வீரராக வரலாற்றில் இடம்பெற்றுள்ளார். ஆன்ட்ரே ரசல், 545 பந்துகளில் 1000 ரன்களை அடைந்து முதல் இடத்தில் இருந்தார். ஹெட், 575வது பந்தில் 1000 ரன்கள் கடந்தார்.
இந்த பட்டியலில் ஹென்றிச் கிளாஸன் (594 பந்துகள்), வீரேந்திர சேவாக் (604 பந்துகள்), மற்றும் கிளென் மேக்ஸ்வெல் (610 பந்துகள்) ஆகியோர் மூன்றாவது, நான்காவது மற்றும் ஐந்தாவது இடங்களில் உள்ளனர்.
டிராவிஸ் ஹெட், ராயல் சேலஞ்சர்ஸ் பெங்களூரு அணிக்காக தனது ஐபிஎல் பயணத்தை தொடங்கியிருந்தாலும் தற்போது சன் ரைசர்ஸ் அணியில் முக்கிய இடம் பிடித்து விளையாடி வருகிறார். அவர் இதுவரை 32 ஐபிஎல் போட்டிகளில் கலந்து கொண்டு, 37 ரன்கள் சராசரி மற்றும் 174 ஸ்ட்ரைக் ரேட்டுடன் மொத்தம் 1006 ரன்கள் குவித்துள்ளார்.
