லண்டனில் நடைபெற்ற இந்தியா மற்றும் இங்கிலாந்து இடையேயான டெஸ்ட் தொடரில், வரலாற்றுச் சாதனை ஒன்று நிகழ்ந்துள்ளது. இந்தத் தொடரில் இரு அணிகளும் சேர்ந்து 14 முறை 300 ரன்களுக்கும் மேல் எடுத்துள்ளன. இதன் மூலம், 1928-29 ஆஷஸ் தொடரில் இங்கிலாந்து-ஆஸ்திரேலியா அணிகள் சேர்த்து உருவாக்கிய 96 ஆண்டு பழைய சாதனையை சமன் செய்துள்ளன.
ஐந்து போட்டிகள் கொண்ட இந்த டெஸ்ட் தொடரின் முதல் போட்டியிலேயே நான்கு இன்னிங்ஸ்களும் 300 ரன்களைக் கடந்தன. அதனைத் தொடர்ந்து, எட்ஜ்பாஸ்டன், மான்செஸ்டர் மற்றும் ஓவல் ஆகிய இடங்களில் நடந்த போட்டிகளிலும் தொடர்ச்சியாக 300+ ரன்கள் குவிக்கப்பட்டது. ஓவல் டெஸ்டின் இரண்டாம் இன்னிங்ஸில் இங்கிலாந்து 63வது ஓவரில் 300 ரன்களைக் கடந்தபோது இந்த வரலாற்றுச் சிறப்பை அடைந்தது.
இந்திய அணி மட்டும் இந்தத் தொடரில் 8 முறை 300 ரன்கள் எடுத்துள்ளது. மேலும், 7 முறை 350+ ரன்கள் எடுத்த ஒரே அணி என்ற புதிய சாதனையும் இந்தியா உருவாக்கியுள்ளது. இங்கிலாந்து அணியின் ஹாரி புரூக், ஜோ ரூட், ஜேமி ஸ்மித் ஆகியோர் முக்கியமான ரன்கள் சேர்த்து அணியை வலுப்படுத்தினர்.
மிகவும் பரபரப்பான நிலையில் தொடரின் கடைசி நாளில் இங்கிலாந்து 339 ரன்கள் எடுத்து, வெற்றிக்கு வெறும் 35 ரன்கள் மட்டுமே தேவைப்படுகிறது. இந்தியா வெற்றியடைய 4 விக்கெட்டுகள் தேவை. கிறிஸ் வோக்ஸ் காயம் காரணமாக களமிறங்க வாய்ப்பு குறைவாக இருப்பதால், இந்திய அணிக்கு இன்னும் ஓருவேளை சந்தர்ப்பம் இருக்கலாம்.
இந்த தொடரின் முடிவை எதிர்நோக்கி ரசிகர்கள் பெரும் எதிர்பார்ப்புடன் காத்திருக்கின்றனர். விளையாட்டு வரலாற்றில் இதுபோன்ற விறுவிறுப்பான தருணங்கள் அரிதாகவே நிகழும்.
