திருமலை: திருப்பதி ஏழுமலையான் கோயில் கடந்த ஜூலை மாதம் லட்டு விற்பனையில் சாதனை படைத்தது. அதாவது, ஜூலை மாதத்தில் மட்டும் 1,25,10,300 லட்டுகள் தயாரிக்கப்பட்டதில், 1,24,40,082 லட்டுகள் விற்பனையாகின.
கடந்த ஆண்டு, இதே மாதத்தில், 1,04,57,550 லட்டுகள் விற்பனையாகின. இதில் சிறப்பு என்னவென்றால், ஜூலை 12-ம் தேதி மட்டும் 4,86,134 லட்டுகள் விற்பனையாகின.
கடந்த ஆண்டு, ஜூலை 12-ம் தேதி, 3.24 லட்சம் லட்டுகள் மட்டுமே விற்பனையாகின.
இந்த ஒரு நாளில் மட்டும், திருப்பதி தேவஸ்தானம் லட்டு விற்பனை மூலம் ரூ.2.43 கோடி வருவாய் ஈட்டியது குறிப்பிடத்தக்கது.
