டெல்லி: ரஷ்யாவிலிருந்து இந்தியா அதிக அளவில் கச்சா எண்ணெய் இறக்குமதி செய்வதை மேற்கோள் காட்டி, அமெரிக்க அதிபர் டிரம்ப் ஏற்கனவே விதிக்கப்பட்ட 25% இறக்குமதி வரியுடன் கூடுதலாக இந்திய பொருட்களுக்கு 25% வரியை விதிக்கப்போவதாக அறிவித்தார். இது இந்தியாவின் மொத்த இறக்குமதி வரியை 50% ஆக அதிகரித்துள்ளது, இது இரு நாடுகளுக்கும் இடையிலான பொருளாதார உறவுகளில் பெரும் பதற்றத்தை ஏற்படுத்தியுள்ளது.
அமெரிக்காவிற்கு அனுப்பப்படும் பொருட்களுக்கு 50% வரி விதிக்கப்பட்டதால் ஆடை உற்பத்தியாளர்கள் பாதிக்கப்பட்டுள்ளனர். தொழிலாளர் பற்றாக்குறை காரணமாக இந்தியாவில் ஆடை உற்பத்தி குறைவாக இருப்பதால் டிரம்ப் வரி கடுமையாக பாதிக்கப்பட்டுள்ளது. ஆயத்த ஆடை உற்பத்தியாளர்கள் இறக்குமதி வரியை ரத்து செய்ய வேண்டும் என்று கோரிக்கை விடுத்துள்ளனர்.
இதற்கிடையில், பருத்தி மீதான 11% இறக்குமதி வரியை ரத்து செய்யக் கோரி முதலமைச்சர் மு.க. ஸ்டாலின் கடிதம் எழுதியிருந்தார். இந்நிலையில், பருத்தி மீதான 11% இறக்குமதி வரியை ரத்து செய்வதாக மத்திய அரசு அறிவித்துள்ளது.
அமெரிக்க அதிபர் டிரம்பின் வரி விதிப்பால் ஏற்பட்ட இழப்பை ஈடுசெய்ய மத்திய அரசு நடவடிக்கை எடுத்துள்ளது. ஆகஸ்ட் 19 முதல் செப். 30 வரை, பருத்தி மீதான இறக்குமதி வரியை மத்திய அரசு விலக்கு அளித்துள்ளது.
