காந்திநகர்: குஜராத் மாநிலம் நர்மதா மாவட்டத்தில் உள்ள கெவாடியா பகுதியில் சர்தார் வல்லபாய் படேலுக்கு உலகின் மிகப்பெரிய சிலை அமைக்கப்பட்டுள்ளது. இந்த சிலைக்கு அருகில் அடர்ந்த வனப்பகுதி உள்ளது. இங்குள்ள தேசிய வனவிலங்கு பூங்காவில் ‘பிளாக்பக்’ எனப்படும் மான் இனங்கள் அதிக அளவில் உள்ளன. இந்த மான்களை தினமும் ஏராளமான சுற்றுலா பயணிகள் பார்வையிடுகின்றனர்.
இதற்காக வன சபாரிக்கு அழைத்துச் செல்லப்படுகின்றனர். இந்நிலையில், கடந்த 1-ம் தேதி புத்தாண்டு பூங்காவில் திடீரென புகுந்த சிறுத்தை, கரும்புலி மானை கொன்றது. அதை பார்த்ததும் அதிர்ச்சியில் 7 மான்கள் இறந்தன. வனத்துறை அதிகாரிகள் கூறுகையில், ”புத்தாண்டு தினத்தன்று அதிகாலை, 3 வயதுக்குட்பட்ட சிறுத்தை, பூங்காவின் மிகவும் பாதுகாப்பான வேலியை தாண்டி உள்ளே நுழைந்தது.
மான்கள் இருந்த பகுதிக்கு சென்ற சிறுத்தை ஒரு மானை கொன்றது. அங்கிருந்த மற்ற 7 மான்களும் அதிர்ச்சியிலும் பயத்திலும் இறந்தன. பிரேத பரிசோதனைக்கு பின், எட்டு மான்களும் எரிக்கப்பட்டன,” என்றார். இது குறித்து வனத்துறை துணை பாதுகாவலர் அக்னீஸவர் வியாஸ் கூறுகையில், “கெவாடியா மலைத்தொடரின் வனப்பகுதியில் சிறுத்தை நடமாட்டம் இயல்பாக உள்ளது.
ஆனால், பூங்காவிற்குள் புகுந்து மான் உயிரிழந்தது இதுவே முதல் முறை. சஃபாரி பூங்காவைச் சுற்றி 400 சிசிடிவி கேமராக்கள் உள்ளன. அவர்கள் மூலம், சிறுத்தை புகுந்தது உடனடியாக கண்டறியப்பட்டு, காவலர்களுக்கு உஷார்படுத்தப்பட்டது. அவர்கள் சம்பவ இடத்துக்கு விரைந்தவுடன், சிறுத்தை ஓடி விட்டது.
