பாவ்நகர்: குஜராத் மாநிலம் பாவ்நகரில் தமிழகத்தில் இருந்து பக்தர்கள் சென்ற சொகுசு பேருந்து வெள்ளத்தில் சிக்கியது. சொகுசுப் பேருந்து வெள்ளத்தில் சிக்கியதால் பயணிகளை மீட்க மீட்புக் குழுவினருடன் லாரி அனுப்பப்பட்டது.
ஆனால் லாரியும் வெள்ளத்தில் சிக்கியதால் பரபரப்பு ஏற்பட்டது. பின்னர், மாநில மற்றும் தேசிய பேரிடர் மீட்பு குழுவினர் பேருந்தின் கண்ணாடியை உடைத்து பயணிகளை வெளியேற்றி லாரியில் ஏற்றினர்.
மீட்பு பணியை மாவட்ட காவல் கண்காணிப்பாளர் நேரில் பார்வையிட்டார். கனமழை காரணமாக குஜராத்தில் திடீர் வெள்ளப்பெருக்கு ஏற்பட்டுள்ளது. இங்குதான் சொகுசு பேருந்து சிக்கியது.
இதுகுறித்து தகவல் அறிந்த மாநில காங்கிரஸ் தலைவரும், ராஜ்யசபா உறுப்பினருமான சக்திசின்ஹா கோஹில், எக்ஸ் தளம் மூலம் பயணிகளை மீட்க நடவடிக்கை எடுக்க வேண்டும் என அரசுக்கு கோரிக்கை விடுத்தார்.
இதனிடையே, பேருந்தில் இருந்த பயணிகள் அனைவரும் பத்திரமாக மீட்கப்பட்டனர். ஆனால், வெள்ளம் வடிந்தவுடன், லாரி மூலம் கரைக்கு கொண்டு வரப்படும் என, அரசு அதிகாரிகள் தெரிவித்தனர்.
பேருந்தில் இருந்த தமிழக பயணிகள் வரலாற்று சிறப்பு மிக்க நிஷ்கலங்க் மகாதேவ் கோயிலுக்கு யாத்திரை சென்று கொண்டிருந்தனர். கோவில் அமைந்துள்ள கோலியாக் கிராமம் பாவ்நகர் நகரத்திலிருந்து 25 கி.மீ. வழியில் தரைப்பாலத்தை கடக்கும் போது, பஸ் வெள்ளத்தில் சிக்கியது.
