வட இந்தியாவின் முக்கிய பண்டிகையான ஹோலி இந்த ஆண்டு மார்ச் 14-ம் தேதி கொண்டாடப்பட உள்ளது. புனித ரமலான் மாதத்தின் இரண்டாவது வெள்ளிக்கிழமையும் அதே நாளில் வருகிறது. இரண்டும் ஒரே நாளில் விழுவது உ.பி அரசுக்கு சவாலான சூழலை உருவாக்கியுள்ளது. விடியற்காலையில் தொடங்கும் ஹோலி பண்டிகையை இந்துக்கள் பல்வேறு வண்ண பொடிகளை ஒருவர் மீது ஒருவர் தூவி கொண்டாடுகின்றனர்.
இந்த விழா மதியம் 1 மணி வரை நடைபெறுகிறது. வீடுகளின் முன் தெருக்களில் கொண்டாடும் போது, வழிப்போக்கர்கள் மீதும் வண்ணப் பொடிகள் தூவப்பட்டு மகிழ்ச்சியில் உள்ளனர். இதை விரும்பும் சில முஸ்லிம்களும், விரும்பாதவர்களும் உள்ளனர். இதன் காரணமாக சில சமயங்களில் மதக்கலவரம் வரை சென்ற வரலாறு உண்டு. எனவே, இதை மனதில் வைத்து, இந்துக்களுடன் சகோதரத்துவத்தை பேணும் வகையில், லக்னோ மௌலானா காலித் ராஷீத் நேற்று வெள்ளிக்கிழமை தொழுகை நேரத்தை தள்ளி வைக்குமாறு இஸ்லாமியர்களுக்கு அறிவுறுத்தினார்.
அவர் முஸ்லீம்களுக்கான புகழ்பெற்ற கல்வி நிறுவனமான பிரங்கி மெஹலியின் மௌலானா ஆவார். அவர் இந்திய இஸ்லாமிய மையத்தின் தலைவராகவும், உ.பி.யின் ஷாய் இமாமாகவும் உள்ளார். இது குறித்து அவர் வெளியிட்டுள்ள அறிக்கையில், “ரம்ஜான் மாதத்தின் இரண்டாவது வெள்ளிக்கிழமைக்கான பிரார்த்தனை நேரம் மதியம் 12.45 மற்றும் மதியம் 1 மணியிலிருந்து 2 மணியாக மாற்றப்பட்டுள்ளது. இந்த நாளில், முஸ்லிம்கள் தொலைதூர மசூதிகளுக்குச் செல்வதைத் தவிர்க்கவும், அருகிலுள்ள மசூதிகளில் தொழுகை நடத்தவும் வேண்டும். மேலும், இன்று விடுமுறை என்பதால், ஒரு பெரிய கூட்டம் இருக்கலாம். எனவே வீட்டிலேயே பூசைகளை நிறைவேற்றுவது நல்லது” என்றார்.
