டெல்லி: ஏசி ரயில்களில் வழங்கப்படும் போர்வைகள் மற்றும் படுக்கை விரிப்புகளை மக்கள் திருடுவதால் ரயில்வே ஆண்டுதோறும் ரூ.1 கோடி இழப்பை சந்தித்து வருவதாக தெரிவிக்கப்பட்டுள்ளது. நீண்ட தூர ரயில்களில், முதல் வகுப்பு, இரண்டாம் வகுப்பு மற்றும் மூன்றாம் வகுப்பு ஏசி பெட்டிகளில், ஒரு போர்வை, ஒரு தலையணை, 2 படுக்கை விரிப்புகள் மற்றும் ஒரு முக துண்டு ஆகியவை ரயில்வேயால் இலவசமாக வழங்கப்படுகின்றன.
பயணிகள் தங்கள் பயணத்தின் போது ரயில்வேக்கு சொந்தமான இந்த பொருட்களைப் பயன்படுத்த வேண்டும், இறங்கும் போது அவற்றை அப்படியே விட்டுவிட வேண்டும். டெல்லி, ஒடிசா உள்ளிட்ட மாநிலங்களில் இந்த பொருட்கள் திருடப்படும் வீடியோக்கள் இணையத்தில் வைரலாகி வருகின்றன.
இதுபோன்ற சம்பவங்கள் அதிகரித்து வருகின்றன. சராசரியாக, போர்வைகள், படுக்கை விரிப்புகள் மற்றும் கண்ணாடிகள் போன்ற ரயில் பெட்டிகளில் இருந்து எடுக்கப்பட்ட பொருட்களால் ரயில்வே ஆண்டுதோறும் ரூ.80 லட்சம் முதல் ரூ.1 கோடி வரை இழக்கிறது.
இதையடுத்து, நீண்ட தூர ரயில்களில் குளிர்சாதன பெட்டிகளில் பயணிகளுக்கு வழங்கப்படும் அதே எண்ணிக்கையிலான போர்வைகள், படுக்கை விரிப்புகள், துண்டுகள் போன்றவை கிடைக்கிறதா என்பதைக் கண்காணிக்க வாய்மொழியாக அறிவுறுத்தப்பட்டுள்ளதாக ரயில்வே அதிகாரிகள் தெரிவித்துள்ளனர். அதாவது, ரயில் புறப்படும் இடத்திலிருந்து அது வரும் கடைசி நிலையம் வரை அவற்றைச் சரிபார்க்க அறிவுறுத்தப்பட்டுள்ளது.
