புதுடெல்லி: நீதித்துறையை பாஜக எம்பிக்கள் விமர்சிப்பது அவர்களின் தனிப்பட்ட கருத்து என அக்கட்சியின் தேசிய தலைவர் ஜேபி நட்டா தெரிவித்துள்ளார். தமிழக அரசு தொடர்ந்த வழக்கில், மாநிலங்களவையில் நிறைவேற்றப்பட்ட மசோதாக்களுக்கு ஆளுநர் மற்றும் குடியரசுத் தலைவர் ஒப்புதல் அளிக்க வேண்டும் என உச்சநீதிமன்றம் சமீபத்தில் தீர்ப்பளித்தது. ஜார்கண்ட் மாநிலத்தைச் சேர்ந்த பாஜக எம்பி நிஷிகாந்த் துபே கூறுகையில், ‘‘நாட்டில் மதப் போரைத் தூண்டும் வகையில் உச்ச நீதிமன்றம் செயல்பட்டு வரம்பு மீறி செயல்படுகிறது.
இதேபோல் மற்றொரு பா.ஜ.க., எம்.பி., தினேஷ் சர்மா கூறுகையில், ”அரசியலமைப்பு சட்டப்படி, லோக்சபா, ராஜ்யசபாவுக்கு யாரும் உத்தரவு பிறப்பிக்க முடியாது. இந்நிலையில் பாஜக தேசிய தலைவரும், மத்திய அமைச்சருமான ஜே.பி.நட்டா நேற்று எக்ஸ் சமூக வலைதளத்தில் பதிவிட்டு, “நீதித்துறை மற்றும் தலைமை நீதிபதி குறித்து பாஜக எம்.பி.க்கள் நிஷிகாந்த் துபே, தினேஷ் சர்மா கூறிய கருத்துகளுக்கு பாஜகவுக்கு எந்த சம்பந்தமும் இல்லை.
அவை அவர்களின் தனிப்பட்ட கருத்து. நீதித்துறையை பாஜக மதிக்கிறது. நீதிமன்றங்களின் உத்தரவுகளையும், ஆலோசனைகளையும் பாஜக எப்போதும் ஏற்றுக் கொள்ளும். ஏனெனில் நாட்டில் உள்ள அனைத்து நீதிமன்றங்களும் ஜனநாயகத்தின் ஒருங்கிணைந்த பகுதி. அரசியலமைப்புச் சட்டத்தைப் பாதுகாக்கும் முக்கிய தூண்களாகவும் அவை விளங்குகின்றன.
