புதுடெல்லி: தனது 70வது வயதில் சிஇஓ பதவியில் இருந்து விலகி, தனது வாரிசுகளிடம் வணிக நிர்வாகத்தை ஒப்படைக்க திட்டமிட்டுள்ளதாக அதானி குழுமத்தின் தலைவர் கவுதம் அதானி தெரிவித்துள்ளார். அவருக்கு இப்போது 62 வயதாகிறது. உள்கட்டமைப்பு, துறைமுகங்கள், கப்பல் போக்குவரத்து, சிமென்ட், சூரிய ஆற்றல் உள்ளிட்ட 10 பட்டியலிடப்பட்ட நிறுவனங்களுடன் அதானி குழுமத்தின் மொத்த சந்தை மூலதனம் $213 பில்லியன் ஆகும்.
இந்நிலையில், 62 வயதான கௌதம் அதானி, ப்ளூம்பெர்க் செய்திக்கு அளித்த பேட்டியில், இந்த அதிகார மாற்றம் குறித்து பேசினார். அதானிக்கு 2 மகன்கள் உள்ளனர். அவர் 2 மகன்கள் மற்றும் மருமகன்களை வாரிசுகளாகக் கூறுகிறார். இந்நிலையில், “தொழில்துறையின் வளர்ச்சி நிலையானதாக இருக்க, அதன் மீதான அதிகாரத்தை வாரிசுகளிடம் ஒப்படைப்பது மிகவும் முக்கியம்” என்று அதானி ஊடகம் ஒன்றுக்கு பேட்டியளித்துள்ளார். மேலும், இந்த தலைமை மாற்றம் இயல்பாகவும், படிப்படியாகவும், முறையாகவும் நடக்க வேண்டும், எனவே நம்பிக்கையுடன் அந்த பொறுப்பை 2வது தலைமுறையிடம் ஒப்படைத்துள்ளதாக கவுதம் அதானி தெரிவித்துள்ளார்.
அவர் 70 வயதில் ஓய்வு பெற்றால், அவரது மகன்கள் கரண் மற்றும் ஜீத் மற்றும் அவரது மருமகன்கள் பிரணவ் மற்றும் சாகர் ஆகியோர் கூட்டாக வணிகத்தை நடத்துவார்கள். மகன்கள் மற்றும் மருமகன்கள் அதானி குழுமத்தை கூட்டாக நடத்த விரும்புவதாக அதானி கூறியுள்ளது, இருப்பினும் தங்கள் விருப்பத்திற்கு ஏற்ப பிரிந்து செல்லும் உரிமையை அளித்துள்ளனர்.
எனது 4 வாரிசுகளும் அதானி குழுமத்தின் வளர்ச்சியில் ஆர்வமாக உள்ளனர். பொதுவாக தொழில் வளர்ச்சியில் இரண்டாம் தலைமுறையினர் இத்தகைய ஆர்வம் காட்டுவது வழக்கம். “எனது வாரிசுகள் ஒன்றிணைந்து அதானி பாரம்பரியத்தை இன்னும் வலுவாக உருவாக்க தயாராக உள்ளனர்” என்று அதானி ப்ளூம்பெர்க்கிற்கு அளித்த பேட்டியில், இந்திய தொழில்துறையில் கவனம் செலுத்தினார்.
