புதுடெல்லி: “இந்தியா என்ன தர்மசாலா? யாரும் இங்கு வந்து நாட்டின் அமைதியையும் பாதுகாப்பையும் சீர்குலைக்க நாங்கள் அனுமதிக்க மாட்டோம்” என்று மத்திய உள்துறை அமைச்சர் அமித் ஷா கூறினார்.
வெளிநாட்டிலிருந்து இந்தியாவுக்கு வருபவர்களைக் கட்டுப்படுத்தவும் கண்காணிக்கவும் பல சட்டங்கள் இருந்தாலும், தற்போதைய மற்றும் எதிர்காலத் தேவைகளைக் கருத்தில் கொண்டு புதிய குடியேற்றச் சட்டத்தைக் கொண்டுவர மத்திய அரசு திட்டமிட்டுள்ளது. இந்த மசோதா நேற்று மக்களவையில் நிறைவேற்றப்பட்டது.
சுற்றுலா, கல்வி, மருத்துவ சிகிச்சை, ஆராய்ச்சி மற்றும் வணிகத்திற்காக வருபவர்களை இந்தியா வரவேற்கும். ஆனால் நாட்டின் பாதுகாப்பிற்கு அச்சுறுத்தல் ஏற்படுத்தும் நோக்கத்துடன் வருபவர்கள், சட்டவிரோதமாக வருபவர்களை இந்தியா வரவேற்கும் என்று அமித் ஷா கூறினார்.
இந்த மசோதாவின் கீழ், வெளிநாட்டிலிருந்து இந்தியாவுக்கு வரும் அனைத்து பயணிகளும் தங்கள் வருகையைப் பதிவு செய்ய வேண்டும். இந்தச் சட்டம் அவர்களின் நடமாட்டத்தைக் கட்டுப்படுத்த உதவுகிறது.
மேலும், பாஸ்போர்ட் அல்லது விசா இல்லாமல் இந்தியாவுக்குள் நுழைபவர்களுக்கு ஐந்து ஆண்டுகள் வரை சிறைத்தண்டனை மற்றும் ரூ.5 லட்சம் அபராதம் விதிக்கப்படும். விசா காலாவதியான பிறகும் இந்தியாவில் தங்கி தடைசெய்யப்பட்ட பகுதிகளுக்குள் நுழைபவர்களுக்கு மூன்று ஆண்டுகள் சிறைத்தண்டனை மற்றும் ரூ.3 லட்சம் அபராதம் விதிக்கப்படும்.
இந்த மசோதாவை அமல்படுத்துவது இந்தியாவின் பாதுகாப்பை உறுதி செய்வதில் முக்கிய பங்கு வகிக்கப் போகிறது.
