புதுடில்லியில், இந்தியா மீது அமெரிக்கா விதித்த 50% வரி குறித்து முக்கியமான கருத்தை எம்பி கார்த்தி சிதம்பரம் வெளியிட்டுள்ளார். இது ரஷ்யாவுடன் இந்தியா மேற்கொள்ளும் வர்த்தக உறவை மட்டும் காரணமாகக் கொண்டு அமெரிக்கா இந்த முடிவை எடுத்ததாக கருத முடியாது என்றும், இது போன்ற வர்த்தகங்கள் ஐரோப்பிய ஒன்றியம் மற்றும் அமெரிக்காவும் செய்கின்றன என்றும் அவர் குறிப்பிட்டார்.
ஏஎன்ஐ செய்தி நிறுவனத்திற்கு அளித்த பேட்டியில், கார்த்தி சிதம்பரம், இந்த வரி விதிப்புக்குப் பின்னணியில் பாகிஸ்தான் ராணுவத்தின் பாதிப்பு இருக்கலாம் என சந்தேகம் வெளியிட்டார். பாகிஸ்தான் ராணுவ தளபதி முனிர், அமெரிக்காவுக்குச் சென்றது சாதாரண நிகழ்வாக இருக்க முடியாது என்றும், அவர் இந்தியாவின் நலனில் அக்கறை கொண்டவராக இருக்கப்போவதில்லை என்றும் தெரிவித்தார்.
அமேெரிக்காவுடன் தற்போது இந்தியாவுக்கு எந்தவொரு வர்த்தக நட்பும் இல்லை என்றும், நேரடி பேச்சுவார்த்தைகள் நடைபெறவில்லையெனவும் அவர் கூறினார். இருப்பினும், இரு நாடுகளும் ஒன்றோடொன்று தொடர்ந்த உறவை விரும்புகின்றன. அமெரிக்காவுக்கும் இந்தியாவுக்கும் பரஸ்பரம் தேவையாக இருக்கிறோம் என்ற எண்ணத்துடன் நட்பு மீண்டும் ஏற்பட வேண்டும் என்றார்.
வாடிக்கையாளர்களையும், பொருள் சப்ளையர்களையும் ஒரு இரவில் மாற்ற முடியாது. இந்தியா அமெரிக்காவுக்குப் பிரதானத் தொழில்துறைகளில் முக்கியப் பங்காற்றுகிறது. இதை மதித்து நட்பு உறவுகளைச் சரிசெய்ய வேண்டியது அவசியம் என அவர் வலியுறுத்தினார்.
