அகமதாபாத்: அகமதாபாத்தில் பூட்டிய வீட்டில் இருந்து ரூ.100 கோடி மதிப்புள்ள தங்கக் கட்டிகள், நகைகள் மற்றும் வெளிநாட்டு கைக்கடிகாரங்களை பயங்கரவாதத் தடுப்புப் படை (ATS) பறிமுதல் செய்துள்ளது.
இது தொடர்பாக, அகமதாபாத்தில் உள்ள ஒரு அடுக்குமாடி குடியிருப்பில் சந்தேகத்திற்கிடமான நடவடிக்கைகள் நடப்பதாக உளவுத்துறைக்கு தகவல் கிடைத்தது. இதன் அடிப்படையில், வருவாய் புலனாய்வுப் பிரிவு மற்றும் பயங்கரவாதத் தடுப்புப் பிரிவு (ATS) இணைந்து அந்த வீட்டில் சோதனை நடத்த திட்டமிட்டன.
வீடு பூட்டப்பட்டிருப்பதைக் கண்டறிந்த குழு, அங்கு வசித்து வந்த மேக் ஷாவின் உறவினரிடமிருந்து சாவியைப் பெற்று தேடுதலைத் தொடங்கியது. இந்த சோதனையில், 87.9 கிலோ தங்கக் கட்டிகள், 19.6 கிலோ தங்க நகைகள், 11 உயர் ரக வெளிநாட்டு கைக்கடிகாரங்கள் மற்றும் ரூ.1.37 கோடி பறிமுதல் செய்யப்பட்டது.
பறிமுதல் செய்யப்பட்ட பணத்தின் அளவு அதிகமாக இருந்ததால், அதிகாரிகள் அங்கு பணம் எண்ணும் இயந்திரத்தை கொண்டு வந்து பணத்தை எண்ணினர். பயங்கரவாதத் தடுப்புப் படை டிஎஸ்பி சுனில் ஜோஷி கூறுகையில், “புலனாய்வுத் தகவல்களின் அடிப்படையில் இந்த சோதனை நடத்தப்பட்டது. வீடு வாடகைக்கு விடப்பட்டது.”
துபாய் பங்குச் சந்தை முதலீட்டாளரான மேக் ஷாவின் தந்தை மகேந்திர ஷா இடையேயான நிதி பரிவர்த்தனைகள் ஷெல் நிறுவனங்கள் மூலம் நடத்தப்பட்டிருக்கலாம் என்றும் கூறப்படுகிறது. விசாரணை இன்னும் நடந்து கொண்டிருக்கிறது.
